PAO holds jail visitation and decongestion program

KAHANGA-HANGA ang kasipagan at tunay na public servant  si Atty. PERSIDA V. RUEDA-ACOSTA, Chief Public Attorney dahil lagi siyang handang tumulong sa kapwa-Pilipino at ipaglaban ang hustiya para sa kanila.

Noong June 21 ay muling pinangunahan na butihing PAO chief ang ika-apat na anibersaryo ng paglubog ng M/V Princess of the Stars, isang pampasaherong barko na pag-aari ng Sulpicio Lines, na lumubog sa Sibuyan island sa Romblon noong kasagsagan ng bagyong Frank.

Muling nagsama-sama ang mga kamag-anak ng mga biktima ng paglubog ng naturang barko at nanalangin sa misang pinangunahan ni Fr. Robert Reyes. Nanawagan ang running priest na patuloy na suportahan ang kaso laban sa Sulpicio Lines upang panagutin ito sa pagkamatay ng may 850 pasahero. Matatandang pilit na bumiyahe ang barko kahit pa binawalan na ito dahil nga sa malakas na bagyo.

Umabot na sa halos 200 civil cases ang isinampa ng PAO laban sa Sulpicio Lines at patuloy ang suporta nito sa mga kamag-anak ng mga biktima.

MATAPOS ang paggunita sa pagkamatay ng maraming pasahero, sumabak naman ang buong puwersa ng PAO sa jail visitation noong   June 26 at 27.

Ang 9^th leg of  Jail Visitation and Decongestion Program ay ginanap noong June 26 (Tuesday) sa the Pasay City Jail  at sa Makati City Jail. Dagli itong sinundan, the following day, on June 27,  (10^th leg) sa Manila City Jail Male Dorm at Manila City Jail Female Dorm; at sa Manila Youth Reception Center. Ang outreach program para sa mga inmates ay inumpisahan ng  PAO noong April 2007.

Ang PAO, sa pamumuno ni Chief Acosta, kasama ang 44 lawyers at staff nito mula sa PAO-Central Office at Manila District Office, ay nagbibigay legal counseling at on-the-scene medical/dental check-up sa mga inmates. Si Dr. Anastacio Rosete, Jr., at mga duktor at nurses mula sa local government ng Makati, Pasay at Manila at si Atty. Erwin P. Erfe, M.D. ng PAO Forensic Laboratory, ay kasali sa  programa.

Ang PAO, ayon sa Republic Act No. 9406 (PAO law),  ay isa nang independent at autonomous agency attached to the Department of Justice (DOJ) for program and policy coordination. Ang Free Legal, Medical, Dental and Optical Mission is ay isinasagawa  nito sa iba’t ibang kulungan at detention centers sa buong bansa.

“The  program helps in unclogging court dockets, decongesting overcrowded correctional facilities and releasing inmates who have served the possible maximum sentence, in line with the directive of H. E. President Benigno S. Aquino III, to provide justice for all,” ayon kay Chief Acosta.

Samantala, bilang bahagi pa rin ng promosyon ng mga serbisyo ng PAO para sa taong  bayan, patuloy  si Atty. Acosta sa kanyang programa sa TV5, ang   ‘Public Atorni: Asunto o Areglo’ na napapanood tuwing Lunes hanggang Biyernes, 2 PM. Dahil maraming kaso ang nilulutas ng naturang programa, di nakapagtatakang  tinatangkilik ito ng marami nating mga kababayan.